నిన్నటి వరకు సామాజిక తెలంగాణ అంటూ చిలక పలుకులు పలికిన హీరో చిరంజీవి నేడు ప్లేట్ ఫిరాయించాడు. తెలంగాణ ప్రజల హృదయాల్లో గత ఇరవై ఏళ్లుగా మెగాస్టార్ గా వెలిగిన చిరంజీవి నేటి తో దగాస్టార్ అయిపోయాడు. ఏ హీరో కు ఇవ్వని స్థానాన్ని తెలంగాణ ప్రజలు తనకు ఇచ్చినా ఈ ప్రాంత ప్రజల ఆశలను వమ్ము చేశాడు.తెలంగాణ లో సరైన బలం లేదని ఎన్నికలు జరిగిన ఇన్నాళ్లకు తెలుసుకున్న చిరంజీవి మొత్తానికి సమైక్యాంధ్ర రైలెక్కెసాడు. ఇన్నాళ్లు తన మనస్సాక్షి ని ఛంపుకుని నటిస్తూ వచ్చిన చిరంజీవి ఈరోజుతో తన మెకప్ను తీసివేసాడు.
ఈ దెబ్బతో తెలంగాణ లో ఉన్న ఇద్దరు ఉన్న బాల్కొండ ఎమ్మెల్యే అనిల్, నిర్మల్ ఎమ్మెల్యే మహేశ్వర్ రెడ్డి లాంటి నాయకులు రాజీనామా చేశారు. వీరితో పాటు నారగోని లాంటి రాష్ట్ర స్థాయి నేత మరియు అనేక మంది జిల్లా స్థాయి నేతల రాజీనామాల తో తెలంగాణ ప్రజారాజ్యం ఖాళీ అయింది. ఇక తెలంగాణ జేఏసీ చిరంజీవి కుటుంబపు సినిమాలను ఆడనివ్వమని ప్రకటించారు. అంతేకాకుండా ఆర్య-2 సినిమా ఆడుతున్న థియేటర్లను మూసివేయించి కటౌట్లను, పోస్టర్లను ఛింపివేశారు.
Subscribe to:
Post Comments (Atom)
No comments:
Post a Comment